Mubihi ki: Risco Lumamezi
LIKWAMBUYU wa Likolo la Silelezo,Mulao ni Pabalelo mwa Botswana, yatompheha Shaw Khati ukabe ualabile kapa kuhana litaba zalipilaelo zefilwe kiba balehi ba Namibia bapalo yelikana 903 babali mwa Nkambe yababalehi ya Dukwi.
Butungi bwataba ye ifilwe kibo Deputy Secretary wa boMinister ili bona bo Mufumahali Mogani kuba Liito la Kapilivi bane balikile kuba ni ngambolo yafamuhala ni Likwambuyu Khati kuamana nilipiho zakukutisa batu ba 903 mwa Namibia.
“Bo Likwambuyu bapatehile, basaswanezi kubonana nimuzamaisi wanaha( president) basika fa likalabo kwababihi.”
Mwaliňolo lelifilwe kuba Ministry ya Defence, Justice and Security ya Botswana, taba yakali 18 Lungu 2017 iize “ kamaswabi, luna ni kutwisiso yakuli baBotswana baikabezi litaba zakunutu zaluna nibaNamibia, yebaingile halufita mwa Botswana. Hakuna cwani mone bakona kuzibela litaba zaluna inge basina pampili yalikunutu zaluna.
Batu babainzi mwatokomelo yabaBotswana baitumezi kwamubuso wa Botswana kakubafa maino kuzwa silimo sa 1998.
“Haluyo mwatabo bakeňisa kezo ye; kuyona kikopano ya kusileleza batu babali kwande yanaha, lumwakafifi kuli Botswana ikalusileleza cwani,hape ilusileleza kubomani? Kakuli nelu zwile mwa Namibia yene ina nimutomo wakulusinya kapa kulu felisa. Sila saluna ki Namibia yeinzi mwa naha yaluna isi kamulao.” Zeňozwi mwa mpampili.
Liito la Kapilivi lina ni kutwisiso yakuli batu baNamibia babali mwa Dukwi bahanile kukuta kakuhapelezwa, mi hape bafitisize maikuto abona mwa liňolo lelifilwe KuMutompehi Khati, leo lifapeleza kuli Botswana ifile litaba zakunutu kwa mubuso waNamibia kusinya libizo labona.
Zeo nihalilicwalo , mwa nako yaku hatisa koranta yee, Munoli wa kwa mukunda (Private Secretary to the Minister) Mutompehi Solomon Mogani utaluselize Liito la Kapilivi kuli lipuzo kuamana
taba ya babalehi liswanela kufiwa ku likwambuyu ya bona za Linaha za kwande Dokota Hon. Dr. Pelonomi Venson-Moitoi ya kakuli taba ya kukutisa babalehi ba Kapili iama linaha zepeli sina haibonahala kuba fa mayemo a pahami ahulu.
Mulitele mutende olatelela mutobala kakutala.
Loading …