Mubihi wa babeleki
Ba Katengo ka tolopo ya Katima Mulilo baneuzi sibaka sakuyaha mandu alikana 187 kuba Shikuh Investments CC, mwa Cowboy kwabatu balituwelo zepahami.
Itisizwe kikualabela kutokwa maino ebatalimezi batu ba Katima Mulilo, yeo itisizwe ki batu baba sweli kuipa libaka isi kamulao.
Mwasilimo sa2014 baTown Council neba fitile fatumelelano yakufa sebelezo nikuzwiseza pili sibaka, nikusifa ba Shikuh Investment CC kusina tifo.
Muofisa yo Muhulu swalelele (Acting Chief Executive Officer), Lifai Lilungwe uize “Mungendenge neungilwe kufamamela batu ba Katima Mulilo maino, kakusebelisa mutomo wa Public Private Partnership (PPP). Kwa mwafelezo a2014 ba Council ya Katima Mulilo neba lukisize kuitenga mwa PPP ni makomponi ashelena, kuona ki Shikuh yeliteni kwanu, kuto yaha nikufa sebelezo ya extension 21, sibaka seluli kusona se kiExtension 21, sina hamubona kuli kufilwe feela sebelezo yelikani hainyani, lisebelezo kaufeela likafelelezwa kiba Shikuh Investments.”
BoLilungwe bazwezi pili kutoloka kuli “Katima Mulilo Town Council ineuzi mubu wamandu mahala kuba Shikuh Investments, kamakutisezo akuli Shikuh iyahele sicaba, buňata bwamandu akabe ayahilwe fa, ana ni baňi baona.
Mungendenge ukabe ufelile mwalikweli ze 18, kasamulaho amukiti wa kukwalulela batu mubu, wokakala ni kalulo ya pili yamezi, kutatama kalulo yamalaiti, kona kufeleleza nikalulo yabulalu yakuyaha mandu.
Kalizazi lapilli lasunda (Monday), boMayor wa Katima Mulilo; Georgina Mwiya basepisize batu batolopo kuli ba Council ba boni butata bwakutokwa mandu amayemo akondile nelilukisizwe nikufa balituwelo zefafasi, fahali, nizepahami liswanelo zabona.
“Libaka zamaino alikana 187 lifilwe kuba Shikuh Investment nikufumanela batu balituwelo zefahili kukalela fa N$650,00 nibalituwelo zepahami, luna nibatu baketalizoho bababe batile.”
Bo Regional Governor wa Zambezi, Lawrence Sampofu bakalimezi batu batolopo kusiya kuikungela libaka isi kamulao.
“Hamufumana sibaka sesi ikinezi feela mwalikonkwani zatolopi, hakisibaka, siinzi mwakamaiso ya Town Council mi silelezwi lika lisili, kacwalo hakuna yaswanezi kuipa kapa kunga sibaka, lulitele, batu kaufeela babeilwe fampampili yatibelelo, kuli lizazi lamina halikafita mukafiwa sibaka samina, lusebeze hamoho niba Town Council, halulati kusebelisa mapolisa nako kaufela kuzwisa batu mwalibaka zebasweli kunga. Lube nikutwisano yakusebeza hamoho” kubulela bo Governor Sampofu.
Likande le litolokilwe mwa silozi ki Mwaka Simasiku, Muituti wa Sikolo sesi pahami sa NUST…
Loading …