Mukiti wa sizo sa Masubia u kutela kuzuha

 Mubihi ki Mary Mashete, Mutoloki ki Johani Fanus Johani

Mukiti wa sizo sa Masubia u kaba teni ,Sikulu 26,2025 kwa mulenen’i mwa Bukalo mwa sikiliti sa Zambezi.

Silimo se kukaba nyakalalo ya mukiti wa sizo wa mushobo o bonahala kuba o mutuna mwa sikiliti,sina hakufitile nako yetelele nyana kuzwa foo nalutobezi mulena Kisco Maiba Liswani wa bulalu mwa silimo sa 2021 kweli ya Sikulu.

Mukiti wa silimo se kwa Masubia , u kaba ni nyakalalo ni kufita ka kukopana hamoho kusupeza swalisano yezwezi pili,kufolisa ni kuncafaza sizo kasamulaho hakufita lilimo zene masubia ing basina mueteleli sina taba ye haibatatile kutukisa mulilo mwahala lubasi lwa silena kuisa mwa kweli ya Lungu ,7 2025 likwambuyu wa likolo leli bona za zwelopili mwa litolopo ni makululu Hon. James Sankwasa ha keta mwana mulena Gilbert Muhongo Mutwa kuba yena mulena wa Masubia.

Mukiti wo kabateni usupeza kuyolisa seo mushobo wa masubia baluzize ni kufumana hape kutamahana ni kunyakalala sizo sabona.

Mukiti wa sizo sa Masubia ki o mumwi kwa mikiti ya sizo yeo batu ba masubia ba nyakalala ni kuikola silimo ni silimo mwa sikiliti saluna,kusupeza mibinelo ya sizo za bona,kuopela lipina sa sizo sabona ni zemwi cwalo zepaka sizo sabona.Sina mukiti hau ezahalelanga mwa mulenen’I wa Bukalo,mukiti ukopanya likiti za batu,kungelela sicaba sa Bukalo,malena ba mishobo yemwi,babanca ni babahulu.

Kakuya ku Ngambela wa Masubia , Albius Kamwi ubulelezi ba mutende kuli kukutela kwa mukiti woo kikwa butokwa kuhupulisa butokwa bwa sizo kalulo ye bapalwa kuyaha zwelopili.

“Sina hamuziba kuli sizo kona misumo ya kuyaha naha.kikwa butokwa kueza zekonahala kuezwa kuezeza bukamuso bwa babanca kuziba buntu bwa bona ,kobazwa,kuziba kobaya ni kusa lateha kubulela ,”Ngambela Kamwi.

“Ki tukelo ya luna baeyeleli kuzwela pili kufa mutala.”u bulezi mwa sitatimende

Kutokwa Mulena kuzwa silimo sa 2021 ifile sicaba sa Masubia musebezi tuna kuba ni puso yesina mueteleli ni kuba ni nyinyifazo kwa likalulo sa sizo.

Nyandi Mulena Liswani wa bulalu nazibahala ka zibo ni butali ,ya itutile,ya belekile katata asa pumuli kuzwiseza pili kozo mi zwelopili mwa sikiliti sa Zambezi.Lifu lahae lisuba kwa lubasi hamoho cwalo ni kuloba lipilu za baban’ata.

Macaziba ni balimi ba njimo ba amuhezi ona nyakalalo ya mukiti,kubonisa butokwa bwa kubuluka sizo ni kuba ni kabelo mwa lingambolo.mwanako yebonahala kuli bun’ata bwa babanca haba bonahala kusaziba masina fo basimuluha,mikiti ya mufuta woo ufa lituto za sizo.

babaetelezi sizo ba memilwe ni Likolo la tuto,buikezezo,ni sizo,kungelela cwalo ni Malena baeteleli ba likiliti.

Mukiti uswanela kusupeza bukwala bwa Masubia ,lipina,matangu,za buikezezo bwa mazoho kusupeza sicaba ni bapoti.

Sina milupa haikala kunatiwa mwa Bukalo hape ,sicaba sa Masubia sikenisise fokusweu :Mubonahalelo ,sizo ni kamaiso hazina kufela.Sina Masubia habatomohile lipilu  ku latehelwa ki mueteleli ni matata a lifasi lelicinca,butuku boba utwile Masubia.

Ka mukwa o munca ni kutabela mushukwe wa bona ,silimo se haki kufitisa matomola pilu ku nyandi kono ki mukiti wa kunyakalalo ya kufumana mueteleli ,kopano ni sepo ya bukamuso mwatasa kamaiso ya Mulena Gilbert Muhongo Mutwa Moraliswani || yon a nyakisizwe kumueteleli wan aha Dr. Netumbo Nandi-Ndaitwah,kala 23 Sikulu 2025.

MAFELO…//