Mukiti wa sizo sa Mafwe u mema Sichaba kwa Lusata

Mubihi ki Kimmie Mikatazo

Mushobo wa Mafwe mwa sikiliti sa Zambezi,mwatasa kamaiso ya Mafwe ba ka kopana hape kunyakalala kuikola sifumu sa kuyola sizo fa mukiti o banga teni silimo ni silimo.

Mukiti,ukopanya mishobo ya Mafwe koiya koikuwa ni bayahi ba sikiliti sa Zambezi, utabe u ungekile la Sunda ili la 28 Muimunene,2025 kwa Muleneňi wa Chinchimane , inge ili mwa silalanda sa Sibbinda libima ze likana mashumi a silezi nize ketalizoho (65 KM) ,lineku la Mboela wa sikiliti sa Zambezi.

Kakuya ka kamaiso ya Mafwe,mukiti wa lusata haki nyakalalo feela ya mushobo kono ki pono ye supa buino bwa buntu,sifumu ni mihato ya sizo ye bile teni mwa kuzwiseza pili buino sakata kwa mushobo wa Mafwe ni silalanda kabupala.

Mwa ngambolo ni sibuabui kasamulaho wa ku ungeka mukiti ,Mutompehi Francis Sikumba, muokameli wa katengo ka kaongaonga za mukiti,u bulelezi ba mutende wa Caprivi Vision kuli litukiso za mukiti likalile kasa mulaho feela ha kufela feela ka nyakalalo ya silimo ni silimo.

Mutompehi Sikumba u ekelize ka kutalusa kuli “bapoti ba boniswa mubala o buheha wa mushobo,sicaba sika ikola mibinelo ya sizo kakushutana ni likezahalo zeñata.Bapoti bakabe baikozi lico za sizo kakuya ka mifuta ya zona”.

U talusize kuli butata bo batalimani ni bona ki bwa kutokwa sibaka sa maino “lunani bapoti babañata baba tahanga ,kono sibaka sa makopanelo kise sinyinyani kukopanya palo ya sicaba” u bulezi.

Silimo se mukiti u tabe u amuhezi limembala ze tompeha ,libuabui ze memilwe ki zelatelela,Ngambela wa naha Namibia,Dokota Elijah Ngurare, limembala zemwi kuzwelela mwa makolo a mamwi, ni malena ba mishobo yemwi kuzwelela mwa sikiliti sa Omaheke ni Zambezi.

Fapila Litunga George Chikandekande Simasiku Mamili VII, wa Khuta ya Silena sa Mafwe ufitisa memo kwa sichaba kaufela kutaha kwa Mukiti wa Lusata , ili yona Mukopano ya Sizo wo kopanya batu hamoho mwa bunwi bulibunwi , ka sizo ni ponahazo mwa sikiliti sa Zambezi .

Mushobo wa Mafwe ki Mushobo okopanyize mishobo yeshelanashena kuba nto ilinwi ili yeo ye ingelezi mishobo yeswana sina ye tatama , ba-Linyanti , ili betukulu ba Mushobo wa Siluyana ni Sebitwane wa Makololo, Matotela babizwa kuli kiba Luhani and ba Silao, ba-Fwe , ba-Mbukushu ni ba-Subiya-Fwe, babazibahala ka Bekuhane kapa ba-Mahe.

MAFELO…//