Hopker ususuweza Lipisinisi ze bona za masheleni kulatela Zibo yetibela busholi bwa mali ni a naha ya Mbowela ya Afirika

Mubihi wa Koranta , Mutoloki ki Johani Johani 

Mufumahazana Tanya Hoker wa katengo ka Mainert ya cilaukile mwa Zibo ye bukeleza busholi bwa masheleni ka kusebelisa ma kopyiuta Ususuweza   tutengo kaufela totubona za masheleni mwanaha Namibia kulatelela mayemo amanca alumelelizwe a naha ya Mbowela ya Afirika a nyatezwi kusileleza busholi kakusebelisa ma kompyuta.

Milao yencafalizwe kuzwelela kwakamaiso ya katengo kakabona za masheleni hamomoho cwalo ni kamaiso yamiyaho ya lipisinisi,ilutaluseza kamo lukona kuisileleza,kualabela kwa kubatata bwakuuzwezwa.

Kakuya ka sitetimende sa mutende, Mufumahazana Hopker, uize lipisinisi zebona za masheleni mwa Namibia liswanela kuba ni tokomelo kwa cinceho ya milao mwa naha ya Mbowela ya Afirika ili kwalineku lelibona za masheleni.

Mufumahazana Hopker,uize panka ya naha ya Mbowela ya Afirika , kungelela cwalo ni tutengo totubona za masheleni abasupali tuswanela kuba ni linzila zemwi zeswanela kusileleza bubangoki bwaku uzwezwa.

Zeo nihalili cwalo uekelize kakubulela kuli milao yeminca ye ikahatiseza litatubo za lipangaliko,kuba nisebelezo ni mayemo akenile kungelela cwalo ni silelezo ya lipangaliko ze tiile.  

“Milao ye ihapeleza makolo kutalimisisa ahulu kwatemuso ya makompyuta,sina hakuli tata kulatelela ona matata ao. Makolo aswanela kuitukisesa,kutatuba ni kuba nipabalelo kasamulaho Inge kusika fosahala kale sesimwi.” Hopker atiiseza

Babeleki kaufela ,kungelela babahulu ba lipisinisi/makolo baswanela kufumana tuto ya kukona kuisileleza ku uzwezwa.Makolo amamwi aswanela kufita fa maemo aswana a silelezo,kunyinyifaza likozi za ku uzwezwa kabupala.

Ya cilaukile mwa ku bukeleza busholi bwa masheleni ka kusebelisa ma kopyiuta,Hopker uekelize kakubulela kuli milao ye iswanela kulatelelwa kiba makolo a mufuta kaufela. “Katengo kaufela kaswanela kubonisa kuli kakona kuisileleza kwali tasezo ze. Busholi bwa masheleni fa makompyuta Iswanela kuba musebezi wa mutu ni mutu kakuba ni tukelo kuipabalela”.

Kamukwa o tutengo totubona za masheleni tuswanela kubiha likozi zepahami kubabanani mata ni kutatulula kamo bakona kupimela likozi ze. kutalima  maikuto akwa mulaho kukabe kubileteni ni temuso fa makompyuta kukabe kubileteni kakuya ka mulao o kalatelelwa.

Mulao wo usupa muhato oipitezi kwa lukau lwa masheleni a naha ya Mbowela ya Afirika. Ifa butokwa bwa silelezo, kuyaha sepoy a sichaba , kusupeza mutala o tiile_ili o tutengo totubona za masheleni mwa Namibia tukona kulatelela ni kutiiseza pabalelo yabona.

MAFELELEZO….