Mubihi ki Dominic Sikopo
Ba katengo ka Sifapano sesi fubelu (Red Cross Society) neba neuzi tunamutendele totu mashumi a supa (70) ni totu ketalizoho ka totu beli kwa lilalo zene ze cwale ka Imukusi, Lisikili, Schkumansburg ni Mbalasinte ili lilalo ze itengile ku za buikezezo.
Yo muhulu wa katengo ka Sifapano se sifubelu (Red Cross) mwa sikilti sa Kapilivi, Mufumali
Polly Helmut na fitisize buitumelo kwa lilalo ze kakuitenga ni ku baakanya likezahalo za puteho ye. “Lukopani fa kacenu kuto tambeka tunamutendele ni ma jekete kwa sicaba ili bao ba itengile mwa katengo ka GRNC.” Ku bulela mufumahali Helmut.
Kapilivi Mufumahali Polly Helmut niba bamwi ba membala za Katengo ka Red Cross.
Limembala li konile kufiwa lituto mwa mazazi a mane, kuituta za DRR mi zibo ye ňata ne ikonilwe kuikabelwa kuama ahulu zibo yeba naniyona.
“Nifitisa buitumelo bwaka kwa lilalo ze itengile kuona mulelo o ili Imukusi, Lisiki, Shckumansburg ni Mbalasinte ka ciseho ye bana ni yona kuona mulelo o”. Mufumahali Helmut ahatelela.
Ba katengo ka Sifapano sesifubelu mwa Naha ya Amelika ba itumela ahulu kwa katengo ka Sifapano sesi fubelu ka naha Namibia ka silikani sebana nisona.
Tutengo to tubeli to, tu konile ku sebeza hamoho lilimo ze ňata mwa linako za manyado ni makete a sicaba mane cwalo ni ka buntu, Mutompehi Brennan Banks wa katengo ka Sifapano sesifubelu ka Amelika a toloka.”
Katengo ka Sifapano sesifubelu ka kali mwa Kapilivi kana ni swalisano ya za buntu ni katengo ka Sifapano sesifubelu ka lifasi Kamukana. “Pila Katengo ka sifapano sesifubelu ka Amelika, Nifitisa buitumelo kwa katengo ka mwa naha Nambia ka silikani sesinde ni swalisano mi lutalima fa paata kubupa Kapilivi yena ni buiketo ni kukuta mwa buino sakata.” Mutompehi Banks a feleleza.
Loading …