Ba NDF bakala swalisano ni sicaba mwa mungendenge wa temuso mwa Zambezi

Mubihi wa Koranta

Masole ba naha Namibia (NDF) , hamoho cwalo ni masole ba naha Botswana (BDF) , bakalile swalisano ni bayahi ba naha mwa mungendenge o zibahalizwe simubuso la Mubulo 9 Mbuwana , 2025 kakukala kupotela khuta-nyana ya Ngoma ni khuta-nyana ya Chinchimane mwa sikiliti sa Zambezi.

Likolo la Silelezo ni Lindwalume libulezi labune fa likepe la facebook kuli swalisano ye mwahala Namibia ni Botswana izibahalizwe ka 11 Mbuwana ni 13 Mbuwana 2024 (Silimo sesifelile), ka mulelo wa kubukeleza kozo fa museto ni liselezo kamukana.

Likolo la Silelezo ni Lindwalume li swalisani ni kubeleka hamoho ni ma ofesi, makolo amamwi a mwa linaha zepeli kubeleka hamoho.

 “Kalulo ya bubeli ye yamungendenge ikala kala 9 mbuwana kuya kala 5 Sikulu 2025 ni  mahae a mashumi amabeli ni a supa (27)  mukulela wa museto lineku la Namibia a kapotelwa , ni a lishumini ni a supa (17) mwa naha Botswana”. kubulelwa mwa mutende.

Libaka zekapotelwa li aluhanyizwe mwa likwata zepeli: sikwata sabubeli: Mohembo kuya Trans-Kalahari mwa Namibia ni Shakawe kuya Mamuno mwa Botswana.

Sikwata sabulalu: Trans-Kalahari kuya union’s end mwa Namibia ni Mamuno kuya union’s end mwa Botswana, lingambolo ni litumelelano mwahala linaha zepeli lisiyala inge litamahani,museto ni lisebelezo lizwela pili kutalimana ni matata a swana inge limunano ni batu,busholi bwalibyana ni bubangoki kubabafita famuseto.

Sitatimende  si zwela pili kulutalusa kuli “mutomo tuna wa mungendenge wo kikuzwiseza pili kuyema hamoho kuswalisana, kuba nibu kamuso bobuyahilwe fa kutwisiso yemwahala linaha zepeli, likute mwahala sicaba sesipila mwanaha”.

MAFELELEZO A LIKANDE…